Sekolah Negeri vs Sekolah Swasta

wartamerdeka.net

Mimbar "Demokrasi Ala Punokawan" (2) - tema sekolah unggul berkarakter, rubrik tayang secara series

Oleh : Ki Sarmidin

Petruk "Kowe Iki kok kolot, tenan, leh Truk! Saiki jenenge investasi! Investasi masa depan anak! ben pinter, ben masuk PTN, ben dadi pejabat! lah nek gratisan, piye majune pendidikan? Lak Yo ora maju maju pendidikan.

Ki Lurah, " Investasi nggeh sae Mas Petruk...Tapi nek hasile mung ijazah karo sombong, kuwi jenenge dudu investasi. Kuwi jenenge "konsumsi gengsi".

Ki Sarmidin nylethuk, " Betul bapak! Aku duwe konco, sekolah swasta larang. Seragame 4, sepatune 3, tapi moco buku mung pas arep ulangan, doang! Wes lulus, sing dieling mung, toilete wangi".

Gareng, "Lha terus piye? Guru ne piye?  Gaji gurune swasta kadang UMR pas-pasan. Tapi wali murid disuruh bayar SPP 2 juta/bulan.  Lah selisihe kemana? Mesti mlebu "dana pengembangan gedung" sing nganti rong puluh tahun ora rampung-rampung!.

Petruk, "Heh! Kowe ngerti opo, toh Reng! Ngelola sekolah kuwi angel! Listrik, pajak, sertifikasi, akreditasi! Kabeh nganggo duit! Pemerintah mbantu ne mung sak uprit. Mosok kudu gratis kabeh?

Ki Lurah Badranaya, " Nggeh angel Mas... nanging pendidikan kui dudu dagangan. Nek dagangan, sing duwe duit oleh sing apik. Sing ora duwe duit, mung iso ngintip saka pager. Nek ngono, nggo opo ono UUD 45 pasal 31: "Setiap warga negara berhak mendapatkan pendidikan".

Bagong, "Aku wedi Bapak... mengko ngarep ono sekolah "berkarakter premium". SPP wolung yuto, plus biaya "karakter" 500 ribu. Biaya "jujur" 300 ribu. Biaya "disiplin" 200 ribu. Wes komplit, tinggal pilih paket.

Petruk, "Kowe kuwi sinis terus! Sekolah swasta juga akeh sing apik! Akeh sing ngasih beasiswa, akeh sing bener-bener ngajar! Jangan digebyah uyah kabeh!

Ki Sarmidin, "Nggeh leres Mas...Sing apik tetep ono, lan kudu diapresiasi. Sing kita kritik kui "mental dagang" ne. Nek sekolah wis nganggep siswa kui "konsumen", guru kui "karyawan", lan ilmu kui "produk"... kuwi wis rawan.

Ki Lurah, "Anak-anakku... larang murah kuwi nomer loro. Sing penting, anak e iso moco, iso mikir, iso nggo akhlak. Nek larang tapi gur nggawe pinter ngapusi, nggo opo? Nek gratis tapi gur nggawe bodoh, nggo opo?

Gareng, "Dadi piye Bapak solusine?

Ki Lurah Badranaya, "Solusine sederhana, "Pemerintah ben tenanan ngopeni sekolah negeri. Sekolah swasta ben jujur nggo pembukuan. Wali murid ben ora silau merek. Lan guru... guru ben tetep dadi guru, dudu sales.

Bagong nyaut, "Setuju! Ben pendidikan kui ora larang regane, tapi larang rego dirgane!

Petruk, "Lah aku setuju separo... sing penting kantorku bayarane mundak disik.

Semua tertawa ngakak......!

copyright@wartamerdeka.net 2026